බීඩි කොළ කිලෝග්‍රෑම් දෙදහස් තුන්සිය හැත්තෑ නවයක් සමග ඉන්දිය ජාතිකයින් හය දෙනෙකු නාවික හමුදා භාරයට ගෙන තිබෙනවා. ශ්‍රී ලංකාවට අයත් වයඹ මුහුදු තීරයේදීයි මෙම වැටලීම සිදු කළේ.
ශ්‍රී ලංකා නාවික හමුදාවට අයත් සාගර නෞකාව මුර සංචාරයේ යෙදී සිටියදී මුහුදු සීමා උල්ලංඝනය කරමින් පැමිණෙන යාත්‍රාවක් නිරීක්ෂණය කර තිබෙනවා. ඒ අනුව සුරනිමල නෞකාවේද සහාය ඇතිව තලවිල දේවස්ථානයේ සිට නාවික සැතපුම් 22 කට ඔබ්බෙන් වූ මුහුදු ප්‍රදේශයේදී එම යාත්‍රාව විශේෂ නිරීක්ෂණයකට ලක් කෙරුණා. එහිදී පාර්සල් 74 ක අසුරා සගවා තිබූ බීඩි කොළ තොගය සොයා ගැනීමට නාවික හමුදාවට හැකි වුණා. එම යාත්‍රාව සහ සැකකරුවන් හය දෙනෙකුද නාවික හමුදා භාරයට ගැනුණා. බීඩි කොළ තොගය කල්පිටිය ශ්‍රී ලංකා නාවික නෞකා විජය ආයතනය වෙත රැගෙන ඒමෙන් පසුව රේගු කාර්යාලය වෙත භාර දී තිබෙනවා. සැකකරුවන් සහ යාත්‍රාව ඉදිරි විමර්ශන සදහා පොලීසිය වෙත භාර දීමටයි නාවික හමුදාව පියවර ගත්තේ.
The post බීඩි කොළ තොගයක් සමග ඉන්දිය ජාතිකයින් 6 දෙනෙකු නාවික හමුදා භාරයට appeared first on ITN News.
Post a Comment