සති 4 ක කාලයක් සදහා මහා බ්රිතාන්ය සම්පූර්ණයෙන් වසා දමන බව අග්‍රාමාත්‍ය බොරිස් ජොන්සන් නිවේදනය කරනවා.
බ්‍රිතාන්‍යයේ සෞඛ්‍ය පද්ධතිය හා සාමාන්‍ය ජන ජීවිතය ව්‍යසනකාරී තත්ත්වයකට ළගා වීම වැළැක්විමට මෙම පියවර ගත් බවයි අග්‍රාමාත්‍යවරයා සදහන් කරන්නේ. ලබන 5 වනදා මධ්‍යම රාත්‍රී 12 සිට දෙසැම්බර් මස 2 වනදා දක්වා වසා දැමීම ක්‍රියාත්මක වීමට නියමිතයි. ආපන ශාලා, අවන්හල්, කායවර්ධන මධ්‍යස්ථාන හා අත්‍යවශ්‍ය නොවන භාණ්ඩ හා සේවා සපයන ස්ථාන මේ අනුව වසා දැමෙනු ඇති. එළඹෙන නත්තල් සමය වෙනස්ම මුහුණුවරක් ගනු ඇති බවට බොරිස් ජොන්සන් සදහන් කරනවා. කෙසේ වුව ද ක්‍රියාත්මක වන සෞඛ්‍ය විධිවිධාන සමග පවුලේ සියලු සාමාජිකයන්ට එක්ව නත්තල සැමරිය හැකිවනු ඇති බවටයි ඔහු විශ්වාසය පළ කරන්නේ. මහා බ්‍රිතාන්‍යයට අයත් අයර්ලන්තය, ස්කොට්ලන්තය හා වේල්සය සම්පූර්ණයෙන් වසා දැමුණේ පසුගිය සතියේදීයි.
The post මහා බ්රිතාන්ය සති 4 ක කාලයක් සඳහා සම්පූර්ණයෙන් වසා දැමේ appeared first on ITN News.
Post a Comment