ජනාධිපති ගෝඨාභය රාජපක්ෂ මැතිතුමා ජය ශ්‍රී මහා බෝ සමිදුන් වැද ආශිර්වාද ලබාගත්තා.
ජනාධිපතිතුමා ජය ශ්‍රී මහා බෝ සමිදුන් අභියස ආගමික වතාවත්වල නිරත වුණා. පුදබිම වෙත පැමිණි ජනාධිපති ගෝඨාභය රාජපක්ෂ මැතිතුමා අටමස්ථානාධිපති ආචාර්ය පූජ්‍ය පල්ලේගම සිරිනිවාස ස්වාමීන් වහන්සේ බැහැදැක ආශිර්වාද ලබාගත්තා. පුදබිම වෙත පැමිණ සිටි ජනතාවගේ සුවදුක් විමසූ ජනාධිපතිතුමා ඔවුන් සමග සුහද කතාබහක ද නිරත වුණා.
රුවන්වැලි සෑ රදුන් අභියස පැවති ආගමික වතාවත්වලට සහභාගි වූ ජනාධිපති ගෝඨාභය රාජපක්ෂ මැතිතුමා විහාරාධිපති පූජ්‍ය පල්ලේගම හේමරතන ස්වාමීන් වහන්සේ බැහැදැක කෙටි පිළිසදරක ද නිරත වුණා.
රුවන්වැලි සෑය ආශ්‍රිත සංවර්ධන ව්‍යාපෘති ද ජනාධිපතිතුමාගේ නිරීක්ෂණයට ලක්වූ අතර මිරිසවැටිය රජමහා විහාරය වෙත ගොස් විහාරාධිපති පූජ්‍ය ඊතලවැටුණුවැවේ ඥානතිලක ස්වාමීන් වහන්සේ බැහැදැක සුවදුක් විමසා සිටියා.
The post ජනපති ජය ශ්‍රී මහා බෝධීන් වහන්සේ වැඳ ආශිර්වාද ලබා ගනී appeared first on ITN News.
Post a Comment