අනුප්‍රාප්තික ජනාධිපතිවරයා තෝරා ගැනීම සඳහා පාර්ලිමේන්තුවේදී අද (20) පැවති තීරණාත්මක ඡන්ද විමසීමේදී ශ්‍රී ලංකා ප්‍රජාතාන්ත්‍රික සමාජවාදී ජනරජයේ 8 වන විධායක ජනාධිපතිවරයා ලෙස රනිල් වික්‍රමසිංහ මහතා තේරී පත්වුණා.
වැඩබලන ජනාධිපති රනිල් වික්‍රමසිංහ, ඩලස් අලහප්පෙරුම සහ ජාතික ජන බලවේගය පක්ෂයේ නායක අනුර කුමාර දිසානායක මෙම ජනාධිපති තේරීමේ පාර්ලිමේන්තු ඡන්දයට අපේක්ෂකයින් ලෙස ඉදිරිපත්ව සිටියා.
පාර්ලිමේන්තු මන්ත්‍රී වැඩබලන ජනාධිපති රනිල් වික්‍රමසිංහ මහතාට ඡන්ද 134 හිමි වූ අතර පාර්ලිමේන්තු මන්ත්‍රී ඩලස් අලහප්පුරුම මහතාට ඡන්ද 82 ක් හිමි වුණා. පාර්ලිමේන්තු මන්ත්‍රී අනුර කුමාර දිසානායක මහතා හිමිකර ගත්තේ ඡන්ද 03ක් පමණයි.
ඡන්ද විමසීමේදී ප්‍රකාශිත ඡන්ද 223න් ඡන්ද 4ක් ප්‍රතික්‍ෂේප වී තිබුණු අතර දෙදෙනෙකු ඡන්දය ප්‍රකාශ කිරීම සඳහා පැමිණ සිටියේ නැහැ. ඒ් අනුව වලංගු ඡන්ද සංඛ්‍යාව 219යි.
The post 08 වන විධායක ජනපති ලෙස රනිල් වික්‍රමසිංහ පත්වෙයි appeared first on ITN News.
Post a Comment