සියලු පාර්ලිමේන්තු මන්ත්‍රීවරුන්ට සර්ව පාක්ෂික ආණ්ඩුවක් වෙනුවෙන් එක්වන ලෙසට ජනාධිපති රනිල් වික්‍රමසිංහ මහතා ආරාධනා කරනවා.
ආර්ථික හා සමාජීය ස්ථාවරත්වය ඇති කිරීම සදහා වන ජාතික සර්ව පාක්ෂික වැඩපිළිවෙලක් ක්‍රියාත්මක කිරීම ජනාධිපතිතුමාගේ අදහස වී තිබෙනවා. ඒ සඳහා සියලු මන්ත්‍රීවරුන්ට එක්වන්නැයි ජනාධිපතිතුමා ලිඛිතවම ආරාධනා කළා. රට මුහුණදී ඇති ආර්ථික අර්බුදයට සමගාමීව රට තුළ නිර්මාණය වී තිබෙන දේශපාලනික හා සමාජීය අරාජිකත්වය මේ වන විට ක්‍රමයෙන් යථා තත්ත්වයට පත් කිරීම සඳහා රජය මහත් පරිශ්‍රමයක් දරමින් සිටිනවා. ඒ අනුව ක්‍රමවත් ආර්ථික ප්‍රතිසංස්කරණ වැඩසටහනක් ක්‍රියාත්මක කිරීම සඳහා වන මූලික සැළසුම් සකස් කෙරෙමින් පවතින අතර ආර්ථික ස්ථාවරත්වය ඇති කිරීම සඳහා අවශ්‍ය මූලික පියවර ද ගනිමින් සිටින බවයි ජනාධිපතිතුමා සඳහන් කරන්නේ. කෙසේ වුවද අභියෝග සාර්ථකව ජය ගැනීම සඳහා පාර්ලිමේන්තු මන්ත්‍රීවරුන් සියලු දෙනාගේ සහභාගීත්වයෙන් වැඩපිළිවෙලක් ක්‍රියාත්මක කළ යුතු වනවා. පොදු මහජනතාවගේ අභිප්‍රාය වන්නේ ද සියලු දෙනා එක්ව කටයුතු කිරීමයි. ඒ අනුව 19 වන ආණ්ඩුක්‍රම ව්‍යවස්ථා සංශෝධනය හා පාර්ලිමේන්තු අධීක්ෂණ කමිටු ක්‍රමය යළි ගොඩනැගීම සඳහා පුළුල් සංවාදයක් ඇති කරමින් සියලු දෙනා අතර එකගත්වයක් ඇති විය යුතු බව ජනාධිපතිතුමා යොමු කළ ලිපියේ වැඩිදුරටත් දැක්වෙනවා.
The post ජනපතිගෙන් සියලුම මන්ත්‍රීවරුන්ට ආරාධනාවක් appeared first on ITN News.
Post a Comment