පාකිස්තානයේ පැවති අතුරු මැතිවරණයකින් විශිෂ්ට ජයග්‍රහණයක් ලබා ගැනීමට හිටපු අගමැති ඉම්රාන් ඛාන්ගේ පීටීඅයි පක්ෂය සමත් වුණා.
පාකිස්තානයේ පන්ජාබ් ප්‍රාන්ත මැතිවරණයෙන් ඉම්රාන් ඛාන්ගේ නායකත්වයෙන් යුතු පීටීඅයි පක්ෂයට ආසන 20 න් ආසන 15 ක ජය හිමිවුණා. ජයග්‍රහණයත් සමඟ මහ මැතිවරණය කඩිනමින් පවත්වන ලෙසයි හිටපු අග්‍රාමාත්‍යවරයා රජයට බලකර සිටින්නේ. හිටපු අග්‍රාමාත්‍යවරයාගේ මෙම ජයග්‍රහණය වර්තමාන අග්‍රාමාත්‍ය ෂෙබාස් ශරීෆ්ට දැඩි බලපෑමක් එල්ල කිරීමට සමත්ව තිබෙනවා. ලබන වසරේ ඔක්තෝබර් මාසයේදී එරට මහ මැතිවරණය පැවැත්වීමට නියමිත අතර එහි ප්‍රතිඵල මින් පිළිබිඹු වන බවයි විශ්ලේෂකයින් පවසන්නේ. පාකිස්තාන පාර්ලිමේන්තුවට ගෙන විශ්වසභංග යෝජනාවකින් ඉම්රාන් ඛාන් පසුගිය අප්‍රේල් මාසයේ දී ධුරයෙන් ඉවත් කෙරුණා.
The post අතුරු මැතිවරණයෙන් ඉම්රාන් ඛාන්ගේ පක්ෂයට ජය appeared first on ITN News.
Post a Comment