දිවයින පුරා පිහිටි සංචාරක හෝටල් සහ සංචාරක කලාපවල ඇති සංචාරක නවාතැන් මෙන්ම සංචාරක සේවා සපයන ආයතන සඳහා මෘදු මත්පැන් අලෙවි කිරීමට අවසර ලබාදී තිබෙනවා. ඒ කොන්දේසිවලට යටත්වයි.
සුරාබදු ආඥාපනතේ 25 වන වගන්තිය සමඟ කියවිය යුතු 32 වන වගන්තිය යටතේ මුදල් , ආර්ථික ස්ථායිතාකරන සහ ජාතික ප්‍රතිපත්ති අමාත්‍යවරයා ලෙස ජනාධිපති රනිල් වික්‍රමසිංහ මහතාට ලැබී ඇති බලතලවලට අනුව මෙම තීන්දුව ගෙන තිබෙනවා. සංචාරක කර්මාන්තයේ ප්‍රවර්ධනය සඳහා අවශ්‍ය නම්‍යශීලී උපාය මාර්ගික ප්‍ර වේශයක් ලෙස මෙය ක්‍රියාත්මක වනවා. සංචාරකයන්ගේ සුව පහසුව පිණිස ආහාර සපයන සංචාරක සංවර්ධන අධිකාරයේ ලියාපදිංචි හෝටල් සහ ආපනශාලා මෙන්ම සංචාරක අධිකාරිය විසින් හදුන්වාදී ඇති සංචාරක කලාපවල පිහිටි නවාතැන් මෙන්ම සේවා සපයන සංචාරක ආයතන සඳහා මෙම අවස්ථාව උදාකර දී තිබෙනවා. එම ස්ථානවල වයින් හා බියර් ඇතුලු පැසවීම මගින් නිපදවන මෘදු මත්පැන් පමණක් මෙසේ අලෙවි කළ හැකි වනවා.
The post සංචාරක හෝටල් ,නවාතැන් සහ සේවා සපයන ආයතන සඳහා මෘදු මත්පැන් අලෙවි කිරීමට අවසර appeared first on ITN News.
Post a Comment