හිටපු ජනාධිපති ගෝඨාභය රාජපක්ෂ මහතාට සිංගප්පූරුවේ තවත් දින 14ක කාලයක් රැඳී සිටීමට අවසර ලබාදීමට එරට බලධාරීන් තීරණය කර තිබෙනවා.
මීට සති දෙකකට පෙර ගෝඨාභය රාජපක්ෂ මහතා පෞද්ගලික සංචාරයක් සඳහා පැමිණි අවස්ථාවේදී නිකුත් කර තිබූ කෙටි කාලීන සංචාර බලපත්‍රය දින 14කින් දීර්ඝ කර ඇති බව යි විදෙස් වාර්තා සඳහන් කරන්නේ.
ජූලි 13 වැනිදා ශ්‍රී ලංකාවෙන් පිටව ගිය ගෝඨාභය රාජපක්ෂ මහතා ජූලි 14 වැනිදා මාලදිවයින හරහා සිංගප්පූරුවට පැමිණියා.
හිටපු ජනාධිපතිවරයාට පෞද්ගලික සංචාරයක් සඳහා ඇතුළුවීමට අවසර ලබා දී ඇති බවත්, ඔහු සරණාගතභාවය ඉල්ලා හෝ ලබා දී නොමැති බවත් සිංගප්පූරුවේ විදේශ කටයුතු අමාත්‍යාංශය සඳහන් කළ බව විදෙස් වාර්තා පෙන්වා දෙනවා.
The post හිටපු ජනපති ගෝඨාභයට තව සති දෙකක් සිංගප්පූරුවේ ඉන්න අවසර appeared first on ITN News.
Post a Comment