ජීව විද්‍යා ඔලිම්පියාඩ් තරගාවලියේ දී ශ්‍රී ලංකාවට ලෝකඩ පදක්කමක් හිමිවුණා.
ආර්මේනියාවේ යෙරෙවාන් හිදී නිමාව දුටු ජාත්‍යන්තර ජීව විද්‍යා ඔලිම්පියාඩ් තරගාවලියේ දී ලෝකඩ පදක්කමක් දිනාගැනීමට ශ්‍රී ලංකාව නියෝජනය කළ හර්ෂාන් අරුමෝලී සමත්වුණා. රටවල් හැට හතරක් තරගය සඳහා සහභාගී වූ මෙම තරගාවලිය සඳහා ශ්‍රී ලංකව නියෝජනය කරමින් තරග කිරීමට සිසුන් සිවුදෙනකු සුදුසුකම් ලබා සිටියා. ඒ බලංගොඩ ආනන්ද මෛත්‍රිය විද්‍යාලයේ ප්‍රවීන් තෙන්නකොන්, මහනුවර මහාමායා බාලිකා විද්‍යාලයේ සිළුනි වික්‍රමතිලක, කොළඹ ඩී.එස් සේනානායක විද්‍යාලයේ කාර්තික් ප්‍රවීන් සහ යාපනය හින්දු විද්‍යාලයේ හර්ෂාන් අරුමෝලී. ජූලි 10 සිට 18 දක්වා පැවැත්වූ මෙම තරගාවලිය ප්‍රායෝගික සහ න්‍යායික යන කොටස් දෙකකින් සමන්විත වුණා. 2021 ජීව විද්‍යා අංශයෙන් ඉගෙනුම ලැබූ දරුවන් අතර ශ්‍රී ලංකා ජීව විද්‍යා ආයතනය පැවැත්වූ තරාගාවලියකින් අනතුරුවයි ජ්‍යාතන්තර ජීව විද්‍යා ඔලිම්පියාඩ් තරගාවලිය නියෝජනය කිරීම සඳහා මෙම සිසුන් තෝරා ගැනුණේ.
The post ජීව විද්‍යා ඔලිම්පියාඩ් තරගයෙන් යාපනයේ හර්ෂාන්ට ලෝකඩ පදක්කමක් appeared first on ITN News.
Post a Comment