පූජ්‍ය උඩුවේ ධම්මාලෝක හිමියන් අත්අඩංගුවට ගන්නා ලෙස කොළඹ මහේස්ත්‍රාත් අධිකරණය අද වරෙන්තු නිකුත් කර තිබෙනවා.
උඩුවේ ධම්මාලෝක හිමියන් විහාරාධිපතිත්වය දරණ පොල්හේන්ගොඩ ඇලන් මැතිණියාරාමයේ ශබ්ද විකාශන යන්ත්‍ර භාවිතයෙන් තමන්ට හිරිහැර වන අයුරින් කටයුතු කළ බවට එල්ල කළ පෞද්ගලික පැමිණිල්ලකට අදාළව පූජ්‍ය උඩුවේ ධම්මාලෝක හිමියන් අධිකරණයේ පෙනී නොසිටීම හේතුවෙනුයි මෙම වරෙන්තුව නිකුත් කර ඇත්තේ.
කොළඹ අතිරේක මහේස්ත්‍රාත් හමුවේ මෙම නඩුව කැදවා තිබුණා.එම අවස්ථාවේදී පූජ්‍ය උඩුවේ ධම්මාලෝක හිමියන් අධිකරණයේ පෙනී සිටියේ නැහැ. නඩුව ලබන ඔක්තෝබර් 31 වනදා යළි කැදවීමට තීරණය කෙරුණා.
The post උඩුවේ ධම්මාලෝක හිමියන් අත්අඩංගුවට ගැනීමට වරෙන්තු appeared first on ITN News.
Post a Comment