ගුවන් සමාගම් රැසක් මෙරටට ගුවන් ගමන් ආරම්භ කිරීමට සූදානම්ව සිටින බව අග්‍රාමාත්‍ය දිනේෂ් ගුණවර්ධන මහතා පවසනවා. එබැවින් විදේශ ආදායම් වැඩිකර ගැනීමට සම්ප්‍රදායෙන් ඔබ්බට ගොස් ක්‍රියා කළ යුතු බවයි පළාත් ආණ්ඩුකාරවරුන් හමුවේ අග්‍රාමාත්‍යවරයා ප්‍රකාශ කළේ.
ග්‍රාමීය ආර්ථික පුනර්ජීවනය හා ආහාර සුරක්ෂිතතා වැඩසටහන සම්බන්ධයෙන් අග්‍රාමාත්‍ය දිනේෂ් ගුණවර්ධන මහතා පළාත් ආණ්ඩුකාරවරුන් සමඟ සාකච්ඡා කළා. අරලියගහ මන්දිරයේදී සූම් තාක්ෂණය ඔස්සේයි සාකච්ඡාව පැවැත්වුණේ. ග්‍රාමීය මට්ටමට ගොවිජන සේවා බලතල යොමුකිරීම ආණ්ඩුකාරවරුන්ගේ ප්‍රධාන වගකීමක් බව අග්‍රාමාත්‍යවරයා අවධාරණය කළා. රජයේ ආහාර සුරක්ෂිතතා වැඩසටහනට මහජන නියෝජිතයන්ගේ සෘජු දායකත්වය අත්‍යවශ්‍යවනවා. අපනයන ආදායම ඉහළ නංවාලිය හැකි භෝග නිෂ්පාදනයේදී සහන ලබාදීමට රජය දැනටමත් පියවර ගනිමින් සිටී. පළාත් මට්ටමෙන් සංචාරක කර්මාන්තය දියුණු කිරීම සඳහා ද වැඩි අවධානයක් යොමු කළ යුතු බව අග්‍රාමාත්‍යවරයා ප්‍රකාශ කළා.
The post ගුවන් සමාගම් රැසක් මෙරටට ගුවන් ගමන් ආරම්භ කිරීමට සූදානම් – අගමැති appeared first on ITN News.
Post a Comment