නිවසේදී ප්‍රහාරයකට ගොදුරු වූ එක්සත් ජනපද කතානායිකා නැන්සි පෙලෝසිගේ සැමියාගේ සෞඛ්‍ය තත්ත්වය මේ වන විට සුව අතට හැරෙමින් පවතින බව වාර්තා වනවා.
එක්සත් ජනපද කතානායිකා නැන්සි පෙලෝසිගේ සැමියා වන පෝල් පෙලෝසි මිටියක් අතැතිව අනවසරයෙන් නිවසට ඇතුළුවූවෙකුගේ ප්‍රහාරයකට ලක් වුණා. ඔහුගේ තත්ත්වය මේ වනවිට සුව අතට හැරෙමින් පවතින බවයි වාර්තා වන්නේ.
ප්‍රහාරයෙන් ඔහුගේ හිස් කබලට සහ දකුණු අතට බරපතල තුවාල සිදු වුණා. මේ සම්බන්ධයෙන් හතළිස් තුන් හැවිරිදි පුද්ගලයෙකු අත්අඩංගුවට ගෙන තිබෙනවා. එරට වාර්තා පෙන්වා දෙන්නේ පෝල් පෙලෝසි මහතා මෙම ප්‍රහාරයට ලක්ව ඇත්තේ සිකුරාදා අලුයම බවයි.
ප්‍රහාරය එල්ල කළ පුද්ගලයා කතානායක නැන්සි පෙලෝසි හමුවීමට අවසර ඉල්ලා ඇති අතර ඒ අවස්ථාවේදී පෝල් පෙලෝසිට මෙම ප්‍රහාරය එල්ල කර තිබෙනවා.
The post නැන්සි පෙලෝසිගේ සැමියාගේ සෞඛ්‍ය තත්වය සුව අතට appeared first on ITN News.
Post a Comment