යුක්රේනයේ කියෙව් නගරය ඉලක්ක කර ගනිමින් රුසියාව එල්ල කල මිසයිල ප්‍රහාරයන්ගෙන් නගරයේ ජල හා විදුලි සැපයුම්වලට දැඩි හානි සිදුව තිබෙනවා.
කියෙව් නගර වැසියන් ජලය ලබා ගැනීම සඳහා දිගු පෝලීම් වල රැදී සිටින ආකාරය මාධ්‍ය වාර්තා කලා. නගර වැසියන්ගෙන් සියයට හතලිහකට පමණ ජලය නොමැති අතර නිවාස දෙලක්ෂ හැත්තෑදහසකට පමණ විදුලි බලය නොමැති බවයි නගරාධිපතිවරයා නිවේදනය කරන්නේ. රුසියාව එල්ල කල මිසයිල ප්‍රහාරයන්ගෙන් පුද්ගලයින් 13දෙනෙකු තුවාල ලබා ඇති බව ද සඳහන්. කෙසේ වුව ද රුසියාව පවසන්නේ යුක්රේන හමුදා පාලනයේ පවතින බලාගාරයන් ඉලක්ක කර ගනිමින් ප්‍රහාරයන් එල්ල කල බවයි. රුසියානු යුධ නෞකා ඉලක්ක කර ගනිමින් පසුගිය සතියේ දී යුක්රේනය සිදු කල ප්‍රහාරයන්ට ප්‍රතිචාර ලෙස රුසියාව එල්ල කරන මිසයිල ප්‍රහාර සංඛ්‍යාව ඉහළ දමා තිබෙනවා.
The post කියෙව් නගරයේ ජල හා විදුලි සැපයුම්වලට දැඩි හානි appeared first on ITN News.
Post a Comment