උද්දමනය ඉහළ යාම හා දේශගුණික විපර්යාසයන්ට විරෝධය පළකරමින් ප්‍රංශයේ දැවැන්ත උද්ඝෝෂණ ක්‍රියාත්මකයි.
ජීවන වියදම ඉහළ යාම හා දේශගුණික විපර්යාසයන්ට නිසි ක්‍රියාමාර්ග නොගැනීමට විරෝධය පළකරමින් ඊයේ පැරිස් නගරයේදී පැවති උද්ඝෝෂණ සදහා එක්ලක්ෂ හතලිස් දහසක පමණ පිරිසක් සහභාගී වූ බවයි සංවිධායකයින් පවසන්නේ. සති තුනකට ඉහතදී එරට තෙල් පිරිපහදු සේවකයින් වැඩවර්ජනයක් ආරම්භ කිරීමත් සමග රට පුරා ඉන්ධන හිඟයක් ආරම්භ වී තිබෙනවා. එම වැඩවර්ජනය අවසන් කිරීමට බලධාරීන් මෙතෙක් සමත්වී නැහැ. ජීවන වියදම ඉහළ යාමට එරෙහිව ක්ෂණික ක්‍රියාමාර්ග ගැනීම, බලශක්ති මිල ස්ථාවර කිරිම, අත්‍යවශ්‍ය භාණ්ඩ හා කුලී ගාස්තු මිල පාලනය හා අධික බදු ඉවත් කිරීම උද්ඝෝෂකයින්ගේ ඉල්ලීම් වනවා. 2018 වසරේ සිට ප්‍රංශයේ පැවැත්වෙන ආණ්ඩු විරෝධී උද්ඝෝෂණ සංවිධායකයින් වන යෙලෝ වෙස්ට් සංවිධානය මෙම උද්ඝෝෂණවල ද ප්‍රධානත්වය ගෙන තිබෙනවා.
The post උද්දමනය ඉහළ යාම හා දේශගුණික විපර්යාසයන්ට විරෝධය පළකරමින් ප්‍රංශයේ උද්ඝෝෂණ appeared first on ITN News.
Post a Comment