තායිලන්ත රජකිරුළට අපහාස කළ පුද්ගලයෙකුට වසර 28 ක සිර දඬුවම් නියම වුණා.
තායිලන්ත රාජාණ්ඩුවට එරෙහිව සමාජ මාධ්‍ය ඔස්සේ නිග්‍රහ වන අන්දමේ අදහස් පල කලා යැයි කියන චෝදනා මත අදාළ පුද්ගලාව අත්අඩංගුවටගෙන මෙසේ සිරගත කොට තිබෙනවා. මොංකෝල් නැමැති 29 හැවිරිදි සමාජ මාධ්‍ය ක්‍රියාකාරිකයකුයි මෙලෙස සිරගත කළේ. ඔහුට විරුද්ධව අධිකරණය විසින් වසර 42 ක සිර දඬුවම් නියම කළ ද ඉන් පසු එය වසර 28ක් දක්වා අඩු කෙරුණා. රජ කිරුළට අපහාස කිරීමේ චෝදනා මත මීට පෙර වැඩිම කාලයක් සඳහා සිරදඬුම් නියම කළේ 2021දී කාන්තාවකට වන අතර ඒ වසර 43 ක් සඳහායි. තායිලන්තයේ මේ වන විට පවතින්නේ නාමමාත්‍රික රාජාණ්ඩුවක් වන අතර වත්මන් රජු වන්නේ මහා වජිරලොන්කොන්ය.
The post තායිලන්ත රජකිරුළට අපහාස කළ පුද්ගලයෙකුට වසර 28ක සිර දඬුවමක් appeared first on ITN News.
Post a Comment