යුක්‍රේනයේ කියුව් අගනුවර සිදුවූ හෙලිකොප්ටර් අනතුරකින් එරට අභ්‍යන්තර කටයුතු පිළිබඳ අමාත්‍යවරයා ජීවිතක්ෂයට පත්ව තිබෙනවා.
යුක්‍රේනයේ කියුව් අගනුවර බ්‍රොවරි නගරයේ පෙරපාසලක් සහ නිවාස සංකීර්ණයක් ආසන්නයේ මෙම අනතුර සිදු ව තිබෙනවා.
අනතුරින් යුක්රේන අභ්‍යන්තර කටයුතු අමාත්‍ය ඩෙනිස් මොනස්ටිර්ස්කි ඇතුළු පුද්ගලයින් 18 දෙනෙකු ජීවිතක්ෂයට පත්ව ඇති බවටයි මේ වන විට තොරතුරු වාර්තා වන්නේ.
අමාත්‍ය ඩෙනිස් මොනස්ටිර්ස්කි ඇතුළු පුද්ගලයින් 8 දෙනෙකු හෙලිකොප්ටරයේ සිට ඇති බව සඳහන්.
ඔහුගේ නියෝජ්‍ය අමාත්‍යවරයා සහ රාජ්‍ය ලේකම්වරයාද මෙම අනතුරින් මියගොස් තිබෙනවා.
හෙලිකොප්ටර් අනතුරින් පසුව එම කඩා වැටුණු ස්ථානයේ ගින්නක් හටගෙන ඇති අතර ඉන් කුඩා දරුවන් 3 දෙනෙකු ජීවිතක්ෂයට පත් ව තිබෙනවා.
කෙසේවෙතත් මෙම අනතුරට හේතුව මෙතෙක් හෙළිව නැහැ.
The post හෙලිකොප්ටර් අනතුරකින් යුක්‍රේනයේ අමාත්‍යවරයෙක් ජීවිතක්ෂයට appeared first on ITN News.
Post a Comment