ඉරානයට නව සම්බාධක පැනවීමට යුරෝපා සංගමය පියවර ගෙන තිබෙනවා.
ඉරාන බලධාරීන් හා සංවිධාන තිහකට අධික සංඛ්‍යාවකට මෙලෙස නව සම්බාධක පැනවීමට පියවර ගත් බවයි යුරෝපා සංගමය නිවේදනය කරන්නේ. උද්ඝෝෂකයින් මර්දනය කිරීම හා මානව හිමිකම් කඩකිරීම යන චෝදනා යටතේ ඉරාන ආරක්ෂක අංශ ප්‍රධානීන් කිහිප දෙනෙකුටද සම්බාධක පනවා තිබෙනවා. ඉරානයේ ක්‍රියාත්මක විශේෂ හමුදා භට ඛණ්ඩය ත්‍රස්තවාදී සංවිධානයක් ලෙස නම් කිරිම සම්බන්ධයෙන්ද අවධානය යොමුව ඇති බවයි යුරෝපා ආරංචි මාර්ග සදහන් කරන්නේ. ඒ සම්බන්ධයෙන් යුරෝපා රජයන් හා යුරෝපා පාර්ලිමේන්තුව තුළ සාකච්ඡාවට බදුන්ව තිබෙනවා. මේ අතර ඇමෙරිකාව හා බ්‍රිතාන්‍යයද ඉරානයට නව සම්බාධක පැනවීමට පියවර ගෙන ඇති බවයි වාර්තා වන්නේ.
The post යුරෝපා සංගමය ඉරානයට නව සම්බාධක පනවයි appeared first on ITN News.
Post a Comment