ඊශ්‍රායල අග්‍රාමාත්‍යවරයාට හා රජයට විරෝධය පළකරමින් දහස් සංඛ්‍යාත පිරිසක් ටෙල් අවිව් අගනුවර පැවති උද්ඝෝෂණයකට සහභාගි වුණා.
ඊයේ පැවති උද්ඝෝෂණය සඳහා ලක්ෂයකට අධික පිරිසක් සහභාගිවී සිටි බවයි විදෙස් මාධ්‍ය සඳහන් කරන්නේ.
ඊශ්‍රායල රජය විසුරුවාහැර මැතිවරණයක් පැවැත්වීමට කටයුතු කරන ලෙස ඔවුන් රජයට බලකර සිටිනවා.
එමෙන්ම හමාස් භාරයේ සිටින ඊශ්‍රායල ජාතික ප්‍රාණ ඇපකරුවන් නිදහස් කර ගැනීමට අවශ්‍ය කටයුතු සිදුකරන ලෙසයි විරෝධතාකරුවන් ඉල්ලා සිටින්නේ.
ප්‍රාණ ඇපකරුවන් නිදහස් කර ගැනීමට ඊශ්‍රායල රජයට කිසිදු අවශ්‍යතාවක් නොමැති බවට ද ඔවුන් චෝදනා කරනවා.
ඊශ්‍රායල ආරක්ෂක අංශ ප්‍රාණ ඇපකරුවෙකුගේ සිරුරක් සොයා ගැනීමෙන් අනතුරුවයි රජයට විරුද්ධ මෙම දැවැන්ත විරෝධතාව පැවැත්වුණේ.
ප්‍රාණ ඇපකරුවන් 130 දෙනෙකු පමණ තවමත් හමාස් සංවිධානය තම භාරයේ රඳවාගෙන සිටිනවා.
The post ඊශ්‍රායල රජයට විරෝධය පළ කරමින් එරට ජනතාව පාරට බසී appeared first on ITN News.
Post a Comment