හැදෙන රටක වැඩෙන ළමයි තේමාවෙන් ITN ලෝක ළමා දින සැමරුම් වැඩසටහන ලබන 06 වනදා උත්කර්ෂවත්ව පැවැත්වීමට මේ වන විට සියලු කටයුතු සූදානම්. කොළඹ විහාර මහා දේවී උද්‍යානය සහ වැලිඔය සම්පත් නුවර මහවැලි ක්‍රීඩාංගනය කේන්ද්‍ර කර ගනිමිනුයි මෙවර සැමරුම් උත්සවය පැවැත්වෙන්නේ.
ITN මාධ්‍ය ජාලය හා අධ්‍යාපන අමාත්‍යාංශය එක්ව සංවිධාන කරන ළමා දින සැමරුම මෙවර නවතාවයකින් යුතුව පැවැත්වීමට කටයුතු යොදා තිබෙනවා. කොළඹ සිට මෙන්ම ත්‍රිකුණාමලය, අනුරාධපුර, වවුනියාව හා මුලතිව් දිස්ත්‍රික්කවලට අයත් ගම්මාන රැසක දරුවන් ලෝක ළමා දින සැමරුම වෙනුවෙන් එක්වීමට නියමිතයි.
සිංහල, දෙමළ, මුස්ලිම් දරුවන් දෙදහසක් පමණ මේ සදහා සහභාගී කරවීමටයි නියමිතව තිබෙන්නේ. ඔවුන් සදහා විශේෂාංග රැසක් එක්කිරීමට ITN මාධ්‍ය ජාලය කටයුතු යොදා තිබෙනවා. සාම්ප්‍රදායික ළමා දින උත්සව වලින් බැහැරව දිවයිනේ ඈත එපිට දුෂ්කර ප්‍රදේශයක්ද කේන්ද්‍ර කර ගනිමින් ලෝක ළමාදින උත්සවය පැවැත්වීමට ITN මාධ්‍ය ජාලය කටයුතු යොදා තිබීම විශේෂත්වයක්.
Post a Comment