වසර 71 කට පසු දිල්ලි නගරයෙන් අඩුම උෂ්ණත්වයක් වාර්තා වූ නොවැම්බර් මාසය මෙය බව ඉන්දීය කාලගුණික දෙපාර්තමේන්තුව නිවේදනය කරනවා.
අද දින දිල්ලි නගරයේ උෂ්ණත්වය සෙල්සියස් අංශක දහයයි දශම දෙකක් තරම් පහළ අගයක තිබූ බවයි වාර්තා වන්නේ. 1949 වසරේ නොවැම්බර් මාසයේදී ද දිල්ලි නගරයේ උෂ්ණත්වය ලෙස සෙල්සියස් අංශක දහයයි දශම දෙකක අගයක් වර්තා වුණා. ඊට ඉහතදී 1938, 1931 හා 1930 යන වසරවලදී ද දිල්ලි නගරයෙන් අවම උෂ්ණත්ව වාර්තා වී ඇති අතර එම අගයන් පිළිවෙළින් සෙල්සියස් අංශක නවයයි දශම හය, නවය හා අටයි දශම නවය ලෙසයි ඉන්දීය කාලගුණික දෙපාර්තමේන්තුව නිවේදනය කරන්නේ. මෙම මාසයේදී ද අඩුම උෂ්ණත්ව වාර්තා වූ දින ලෙස නොවැම්බර් 3, 20, 23 හා 24 යන දිනයන් දැක්වෙනවා.
The post වසර 71 කට පසු දිල්ලි නගරයෙන් අඩුම උෂ්ණත්වයක් වාර්තා වෙයි appeared first on ITN News.
Post a Comment