ලොව පුරා රටවල් 226 කින් ගතවූ පැය 24 ට පමණක් හමු වී ඇති වයිරස ආසාදිතයින් සංඛ්‍යාව හාරලක්ෂ පනස්දහස ඉක්මවා තිබෙනවා. සිදුව ඇති මරණ සංඛ්‍යාව 1184ක්.
ඊයේ දිනයේදී වැඩිම වයිරස ආසාදිතයින් සංඛ්‍යාවක් හමුව ඇත්තේ දකුණු කොරියාවෙන්. එම සංඛ්‍යාව අනූතුන්දහසකට අධිකයි. එමෙන්ම ප්‍රංශයෙන් අසූහය දහසක්, ඉතාලියෙන් පනස් එක් දහසක්, ජපානයෙන් හතළිස් හත් දහසක් හා ඕස්ට්‍රේලියාවෙන් තිස් තුන්දහසක් ලෙස වයිරස ආසාදිතයින් හමුව තිබෙනවා. ඊයේ දිනයේ වාර්තා වූ වැඩිම මරණ සංඛ්‍යාව වන 233 සිදුව ඇත්තේ රුසියාවෙන්. ඒ සමඟම ලොව සමස්ත කොරෝනා මරණ සංඛ්‍යාව හැටදෙලක්ෂ විසිතුන්දහස ඉක්මවා ගියා. ලොව පුරා රටවලින් හමුව ඇති සමස්ත වයිරස ආසාදිතයින් සංඛ්‍යාව පනස්කෝටි හතළිස් හත්ලක්ෂ පනස් දහස ඉක්මවා තිබෙනවා.
The post ගතවූ පැය 24ට වැඩිම කොරෝනා ආසාදිතයින් සංඛ්‍යාව දකුණු කොරියාවෙන් වාර්තා වෙයි appeared first on ITN News.
Post a Comment