හෙළයේ මහා මංගල්‍යය ITN සූර්ය මංගල්‍යය අදත් දවස පුරා පැවැත් වෙනවා.
අද දිනයේත් නව විශේෂාංග රැසක් ප්‍රේක්ෂක ජනතාවට සමීප කිරීමටයි ස්වාධීන රූපවාහිනිය කටයුතු කර ඇත්තේ.
ඊයේ රාත්‍රි යේදී සුවිශේෂි අංගය වූ අවුරුදු කුමරා සහ කුමරිය තේරීමේ තරගය ඉතා උත්කර්ෂවත්ව පැවැත්වුණා. ඒ සඳහා ප්‍රේක්ෂක ප්‍රතිචාර ද ඉහළින් ලැබී තිබුණා.
අදියර තුනක් යටතේ පැවති අවුරුදු කුමරා සහ කුමරිය තේරීමේ තරගයේ මූලික වටයේ තරග නාවල ඔපියුලන්ට් රිවර්ස් ෆේස් හෝටල් පරිශ්‍ර යේදීයි. මූලික වටයේ තරග සදහා අවුරුදු කුමර කුමරියෝ තුන්දහසකට අධික පිරිසක් සහභාගි වුණා. එම මූලික වටයේ තරග වලින් අවසන් මහා තරගයේ අවුරුදු කුමරා තරගයට තරගකරුවන් 12 දෙනෙකුත් අවුරුදු කුමරි තරගයට තරග කාරියන් 12 දෙනෙකුත් තෝරා ගැණුනා. අවසන් මහා තරගය පැවැත්වුණේ රාජසභාවක් මධ්‍යයේයි. ITN සූර්ය මංගල්‍යය ඉතිහාසයේ දැවැන්ත වැඩසටහනක් ලෙසයි එය පැවැත්වුණේ.
අවසන් මහා තරගයෙන් අවුරුදු කුමරිය ලෙස අභිසෙස් ලැබුවේ ගම්පහ ඉසුරි උදයංගනීයි.දෙවන ස්ථානය ඇල්දෙණියේ සුහන්දි උපේක්ෂා දිනාගත්තා. තුන්වන ස්ථානය දිනාගත්තේ කිරිල්ලවල සදුනි නතාශායි.
අවුරුදු කුමරා ලෙස අභිසෙස් ලැබුවේ මතුගම තරංග විරේන්ද්‍රයි. බද්දේගම හෂාන් අබේනායක දෙවන ස්ථානය දිනාගත්තා. තුන්වන ස්ථානය දිනාගනු ලැබුවේ බොරලැස්ගමුවේ මහේල භානුකයි.
අද දිනයේත් විවිධ වැඩසටහන් රැසක් ප්‍රේක්ෂකයින් වෙත ගෙන ඒමට ස්වාධීන රූපවාහිනිය කටයුතු කර තිබෙනවා. විදේශිකයින් සමඟ ගෙන ආ ලෝකයෝ සමග අවුරුදු වැඩසටහනට ඉහළ ප්‍රේක්ෂක ප්‍රතිචාර ලැබී තිබුණා. ITN මියුසික් ස්ටූඩියෝ විත් ෆ්ලෑෂ්බැක් සජීවී සංගීත ප්‍රසංගය රාත්‍රී 8 සිට විකාශය කිරීමට සියලු කටයුතු සූදානම් වෙමින් පවතිනවා.
The post ITN සූර්ය මංගල්‍යය අදත් දවස පුරා appeared first on ITN News.
Post a Comment